• अर्थ सरोकार सम्बाददाता 

काठमाडौं । आइएमई जनरल इन्स्योरेन्सले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीले नाफा ७५.६२% ले बढाएर १८ करोड ८५ लाख रुपैयाँ कमाएको वित्तीय विवरण सार्वजनिक गरेको हो । यस्तै कम्पनीको खुद बिमा शुल्क ४२.८९% ले बढेर ५१ करोड ८२ लाख रुपैयाँ पुगेको छ ।

वित्तीय विवरण अनुसार बिमा कोषको आकार पनि ४८.७२% ले बढेर ४५ करोड ३२ लाख रुपैयाँ पुगेको छ भने चैत मसान्तसम्म आइपुग्दा प्रतिसेयर आम्दानी ९ रुपैयाँ २२ पैसाले बढेर वार्षिक २३ रुपैयाँ २४ पैसा पुगेको छ । प्रतिसेयर नेटवर्थ १६९ रुपैयाँ ८७ पैसा छ । कम्पनीले कुल १९ करोड ८३ लाख रुपैयाँ दाबी भुक्तानी गरेको छ ।