• अर्थ सरोकार सम्बाददता

रौतहट । बन्दको अवधिमा होटलभित्र  लुकेर जुवा खेलिरहेका १० जना पक्राउ परेका छन् । रौतहटको सदरमुकाम गौरस्थित सुर्य बेम्बो रेस्टुरेन्टमा जुवातास खेलिरहेको अवस्थामा १० जना पक्राउ परेका छन् ।  पक्राउ पर्नेमा गौर–१ बस्ने करणकुमार यादव, राजाबाबु महतो, विवेक जैसवाल, अर्जुन कुमार बैठा, अरुण महतो छन् । 

जिल्ला प्रहरी कार्यालयका अनुसार गौर–३ बस्ने आशिष कुमार झा, शिवशंकर यादव, राजदेवी नगरपालिका–४ बस्ने पुष्पेन्द्र झा, वडा नं. ६ बस्ने असलम मिकरानी र रेस्टुरेन्ट सञ्चालक सर्लाही बलरा–३ बस्ने अभिषेक मिश्र पनि पक्राउ परेका छन् । जुवास्थलबाट प्रहरीले ६४ हजार १६५ नगद, तीन बुक तास र ११ थान मोबाइल बरामद गरेको छ ।