• अर्थ सरोकार सम्बाददाता 

काठमाडौं । माउण्टेन इनर्जी नेपालले ४ करोड ९९ लाख रुपैयाँ खुद नाफा कमाएको छ । कम्पनीको यो नाफा गत वर्षको सोहि अवधिको तुलनामा ९.५७% ले थोरै हो । गत वर्ष कम्पनीले ५ करोड ५२ लाख नाफा कमाएको थियो । 

कम्पनीको बिद्युत बिक्रीबाट गर्ने आम्दानी घटेर ९ करोड ४३ लाख रुपैयाँमा सीमित भएको छ । गत वर्ष १० करोड ६९ लाख रुपैयाँ बिद्युत बिक्रीबाट आम्दानी गरेको थियो । यस अवधिमा कम्पनीको प्रतिसेयर आम्दानी ३ रुपैयाँ ५१ पैसा र प्रतिसेयर नेटवर्थ ११८ रुपैयाँ ३२ पैसा छ । 

हाल यसको चुक्ता पुँजी १ अर्ब ९६ करोड रुपैयाँ रहेको छ भने कम्पनीले रिटेन्ड अर्निङको लागि ३४ करोड ४४ लाख रुपैयाँ छुट्याएको छ ।