- अर्थ सरोकार सम्बाददाता
काठमाडौं । नेशनल लाइफ इन्स्योरेन्स कम्पनीले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीले खुद नाफा २.२०% ले बढाएर ३२ करोड २५ लाख ७० हजार रुपैयाँ कमाएको वित्तीय विवरण सार्वजनिक गरेको हो । गत वर्ष कम्पनीले ३१ करोड ५६ लाख २१ हजार रुपैयाँ नाफा गरेको थियो ।
कम्पनीको जीवन बिमा कोष पनि २७.५६% ले बढेको छ भने खुद बिमा शुल्क ५३.६८% ले बढेर ८ अर्ब ६९ करोड भन्दा बढी पुगेको छ । यता प्रतिसेयर आम्दानी भने ९७ पैसाले घटेर १२ रुपैयाँ ६८ पैसा कायम भएको छ । प्रतिसेयर नेटवर्थ १३२ रुपैयाँ १ पैसा छ ।
