• अर्थ सरोकार सम्बाददाता 

काठमाडौं । चालु आर्थिक वर्षको तेस्रो त्रैमासमा शिवम् सिमेन्ट्सले खुद नाफा २६.५२% ले बढाएको छ । कम्पनीले वित्तीय विवरण प्रकाशन गर्दै नाफा २६.५२% ले बढाएर १ अर्ब ९ करोड ८० हजार रुपैयाँ कमाएको जनाएको हो । अघिल्लो वर्षको यसै अवधिमा कम्पनीले ८६ करोड १५ लाख ६७ हजार रुपैयाँ खुद नाफा कमाएको थियो ।

वित्तीय विवरण अनुसार प्रतिसेयर आम्दानी ९ रुपैयाँ ०२ पैसाले बढेर वार्षिक ३३ रुपैयाँ ०३ पैसा पुगेको छ भने चुक्ता पूँजी ४ अर्ब ४० करोड रुपैयाँ रहेको छ । यस्तै सिमेन्ट बिक्रीबाट हुने आम्दानी ३.८२% ले बढेर ७ अर्ब ३५ करोड ५१ लाख २७ हजार रुपैयाँ पुगेको छ । साथै अन्य स्रोतबाट हुने आम्दानी २४५.३४% ले बढेर ३ करोड ८९ लाख ४८ हजार रुपैयाँ पुगेको छ ।