• अर्थ सरोकार सम्बाददाता 

काठमाडौँ । नेपाल स्टक एक्सचेञ्ज (नेप्से) मा सिटिजन्स बैंकको १ करोड ८४ लाख कित्ता सेयर सूचिकृत भएको छ । बैंकले तिनाउ मिसन डेभलपमेन्ट बैंकलाई प्राप्ती गरेपछि विकास बैंकतर्फको सेयर स्वाप रेसियो अनुपातमा मिलान गरी सिटिजन्स बैंकको नाममा सूचीकरण भएको हो ।

सिटिजन्स बैंकको नाममा प्रतिसेयर अंकित तथा चुक्ता मूल्य १०० रूपैयाँ अंकित दरको १ करोड ८४ लाख ५० हजार ३८२ दशमलव ३९ कित्ता सेयर धितोपत्र सूचिकरण विनियमावली, २०७५ बमोजिम सूचीकृत भएको हो । 

तिनाउ मिसनतर्फको सेयर सिटिजन्स बैंकको नाममा सूचीकृत भएसँगै मंगलबारदेखि सो विकास बैंकका सेयरधनीले मंगलबारदेखि धितोपत्र दोस्रो बजारमा खरीद बिक्री गर्न पाउनेछन् ।