• अर्थ सरोकार सम्बाददाता 

काठमाडौँ । नेपाल स्टक एक्सचेन्ज (नेप्से) को अध्यक्ष लक्ष्मण न्यौपानेको कार्यकाल सकिएको छ । ४ वर्षका लागि नियुक्त भएका न्यौपानेको कार्यकाल यहि जेठ महिनाको पहिलो सातादेखि सकिएको हो । उनलाई २०७४ जेठ ४ गतेको मन्त्रिपरिषद्को बैठकले नेप्सेको अध्यक्षमा नियुक्त गरेको थियो । उनले २०७४ जेठ ७ गते आइतबारदेखि कार्यभार सम्हालेका थिए । न्यौपानेको कार्यकाल सकिएसंगै अब सरकारले नयाँ अध्यक्ष नियुक्त गर्नेछ ।    

यस्तै नेप्सेले कायम मुकायम सहायक प्रबन्धक मुराहरि पराजुलीलाई कम्पनी सचिवको जिम्मेवारी दिएको छ । यस अघि नेप्सेको कम्पनी सचिवमा उपप्रबन्धक प्रविन पन्दाक रहेकी थिईन् । यता नेप्सेका प्रमुख कार्यकारी अधिकृत चन्द्र सिंह साउदको कार्यकाल पनि आगामी असोज २३ गते सकिँदैछ ।