- अर्थ सरोकार सम्बाददाता
काठमाडौं । लुम्बिनी जनरल इन्स्योरेन्सको ५% नगद लाभांश सेयरधनीको बैंक खातामा जम्मा हुने थालेको छ । कम्पनीले जेठ १३ गतेसम्म डिम्याट खाता र बैंक खाता अद्यावधिक गरेका सेयरधनीको खातामा नगद जम्मा गर्न थालेको हो ।
यता हालसम्म पनि डिम्याट खाता र बैंक खाता अद्यावधिक नगरेकाहरुलाई भने खाता अद्यावधिक गर्न आग्रह गरेको छ । अनिमात्र नगद लाभांश खातामा जम्मा हुनेछ । कम्पनीले जेठ २८ गते बसेको साधारण सभाले आर्थिक वर्ष २०७६/७७ को नाफाबाट ५% बोनस सेयर र ५% नगद लाभांश गरी कुल १०% लाभांश वितरण गर्ने प्रस्ताव पारित गरेको थियो ।
