- अर्थ सरोकार सम्बाददाता
काठमाडौँ । भारतमा पेट्रोलियम पदार्थको मूल्यले नयाँ रेकर्ड कायम गरेको छ । एक महिनामा १७ पटक पेट्रोलियम पदार्थको मुल्य बढेसँगै नयाँ रेकर्ड कायम भएको हो । भारतमा मे ४ देखि अहिलेसम्म १७ पटक पेट्रोलियम पदार्थको मुल्यबृद्धि भएको छ ।
भारतको राजधानी दिल्लीमा पेट्रोल अहिलेसम्मकै महँगो ९४.४९ रुपैयाँ प्रतिलिटर भारतीय रुपियाँ अर्थात नेपाली १५१ रुपैयाँ १८ रुपैयाँ पुगेको छ । यस्तै डिजल प्रतिलिटर ८५.३८ रुपैयाँ पुगेको छ । भ्याट र स्थानीय कर अनुसार राज्य अनुसार पेट्रोलियम पदार्थको मुल्य फरक फरक रहेको छ । जसअनुसार राजस्थान, मध्य प्रदेश, महाराष्ट्र जस्ता राज्यमा पेट्रोलको मुल्य प्रतिलिटर भारतीय रुपैयाँ सय भन्दा माथि पुगिसकेको छ ।
यी राज्यले पेट्रोलियम पदार्थमा सबैभन्दा बढी भ्याट लगाएको हुनाले महँगो भएको बताइएको छ । मंगलबारको वृद्धिपछि महाराष्ट्रमा पेट्रोल १००.७२ रुपैयाँ प्रतिलिटर पुगेको छ भने डिजल ९२.६९ रुपैयाँ प्रतिलिटर पुगेको छ ।
