- अर्थ सरोकार सम्बाददाता
काठमाडौं । राधी विद्युत कम्पनीले आफ्नो वार्षिक साधारणसभा असार २९ गते बोलाएको छ । कम्पनीले सभा आफ्नो केन्द्रिय कार्यालय, त्रिपुरेश्वरमा बोलाएको हो। सो सभा बिहान ११ बजे सुरु हुनेछ भने सभामा सहभागिताको लागि जुम आईडी र पासवर्ड उपलब्ध गराइने कम्पनीले बताएको छ।
कम्पनीले गत आर्थिक वर्षको मुनाफाबाट सेयरधनीहरुलाई वितरण गर्ने घोषणा गरेको लाभांश र बोनस सेयर वितरणपश्चात हकप्रद सेयर निष्काशन गर्ने प्रस्ताव पारित गर्न सभा डाकेको हो । सभाले ३६.५% बोनस सेयर वितरण गर्ने मुख्य प्रस्ताव पारित गर्नेछ । राधीले बोनसमा लाग्ने कर तिर्न नगद लाभांश भने प्रस्ताव गरेको छैन । तसर्थ, सेयरधनी आफैले बोनसमा लाख्ने कर जम्मा गर्नुपर्ने हुन्छ ।
उक्त बोनस वितरणपछि कायम हुने चुक्ता पुँजीमा १४७.५२% हकप्रद सेयर जारी गर्ने प्रस्ताव पनि सभामा पेश हुनेछ । साथै, गत आर्थिक वर्षको वार्षिक प्रतिवेदन, नाफा–नोक्सान हिसाब तथा नगद प्रवाह विवरणमा छलफल गरी पारित गर्ने एजेन्डा पनि छ । कम्पनीले सभा गर्न असार १५ गतेदेखि बुक क्लोज गर्नेछ ।
