- अर्थ सरोकार सम्बाददाता
काठमाडौँ । चालू आर्थिक वर्षको दोस्रो त्रैमाससम्ममा साल्ट ट्रेडिङ कर्पोरेशनले २ करोड ५२ लाख ९९ हजार ३६९ रुपैयाँ खुद नाफा कमाएको छ । कम्पनीको यो नाफा गत वर्षको सोहि अवधिको तुलनामा ५.४७ प्रतिशतले धेरै हो । गत आर्थिक वर्षको यसै अवधिमा २ करोड ३९ लाख ८६ हजार रुपैयाँ खुद नाफा आर्जन गरेको थियो ।
वित्तीय विवरण अनुसार यस अवधिमा कम्पनीको प्रतिसेयर आम्दानी वार्षिक २६.३५ रुपैयाँ छ भने प्रतिसेयर नेटवर्थ ४१४.९० रुपैयाँ छ । यस्तै कम्पनीको चुक्ता पूँजी १९ करोड २० लाख २४ हजार रुपैयाँ र जगेडा कोषमा १ अर्ब ३१ करोड ४७ लाख १९ हजार रुपैयाँ सञ्चित रहेको छ ।
कम्पनी गत आवको ६ महिनामा ४ अर्ब ७० करोड रुपैयाँ बिक्री आय गरेको कम्पनीले चालु आवको ६ महिनामा २५ प्रतिशत बढेर ५ अर्ब ८९ करोड १४ लाख ६७ हजार आम्दानी गरेपनि समग्र नाफा भने सामान्य बढेको हो ।
