काठमाडौँ । सरकारले साउन ६ गते सार्वजनिक बिदा दिने निर्णय गरेको छ । सोमबार बसेको मन्त्रिपरिषद्को निर्णय सुनाउँदै सरकारका प्रवक्ता ज्ञानेन्द्रबहादुर कार्कीले ६ गते बुधबार मुस्लिम धर्मावलम्बीहरुको तेस्रो ठूलो पर्व बकर इदको अवसरमा बिदा दिने निर्णय गरेको बताएका हुन् ।

यस्तै सो बैठकले तत्कालीन प्रधानमन्त्री केपी शर्मा ओली सरकारले नियुक्ति सिफारिस गरेका ११ जना राजदूतको नियुक्ति खारेज गर्ने निर्णय पनि गरेको छ ।