सुर्खेत । सुर्खेत प्रहरीले जुवा मुद्दाका पाँच जनालाई ७ वर्षपछि पक्राउ गरेको छ । जिल्ला प्रशासन कार्यालय सुर्खेतको २०७१ मंसिर १५ गतेको फैसला आदेशले लगत नं. १०६२ मा लगत कसिएको २०० रुपैयाँ असुल उपर गर्ने प्रयोजनको लागि उनीहरुलाई पक्राउ गरिएको हो ।

पक्राउ पर्नेमा वीरेन्द्रनगर नगरपालिका–४ का ३१ वर्षीय लोकेन्द्र थापा, ४० वर्षीय लोकेन्द्र सुनार, ३७ वर्षीय सन्दिप श्रेष्ठ, ३७ वर्षीय रोशन भट्टराई र ३८ वर्षीय धनबहादुर गुरुङ छन् ।

उनीहरुलाई विशेष सूचनाको आधारमा बिहीबार वीरेन्द्रनगर–६, बजार क्षेत्रबाट पक्राउ गरी जिल्ला प्रशासन कार्यालय सुर्खेतमा उपस्थित गराइएको छ ।