काठमाडौं । फरवार्ड कम्युनिटी माइक्रोफाइनान्सले नाफामा आकर्षक प्रगति गरेको छ । गत आर्थिक वर्षको चौंथो त्रैमाससम्ममा खुद नाफा १८०.७८% ले बढाएर ५७ करोड ४६ लाख ३६ हजार रुपैयाँ कमाउन सफल भएको हो । कम्पनीले अघिल्लो वर्ष यसै अवधिमा २० करोड ४६ लाख ५० हजार रुपैयाँ खुद नाफा कमाएको थियो ।
कम्पनीले सार्वजनिक गरेको वित्तीय विवरण अनुसार यस अवधिमा आईपुग्दा प्रतिसेयर आम्दानी ९१ रुपैयाँ ८७ पैसा वार्षिक छ भने प्रतिसेयर नेटवर्थ ३०२ रुपैयाँ ५२ पैसा रहेको छ । यस्तै खुद ब्याज आम्दानी र सञ्चालन नाफा दुवै बढेका छन् ।
खुद ब्याज आम्दानी ६९.४५% र सञ्चालन नाफा १८०.१७% ले बढेका हुन् । यस्तै कम्पनीको चुक्ता पूँजी ६२ करोड ५५ लाख १९ हजार रुपैयाँ रहेको छ भने जगेडा कोषमा १ अर्ब २६ करोड ६७ लाख ८२ हजार रुपैयाँ रहेको छ । प्रोभिजनमा २७ करोड ७३ लाख ५३ हजार रुपैयाँ छ ।
