काठमाडौँ । अब सांसदहरुको तलब भत्ताको कारोबार राष्ट्रिय वाणिज्य बैंकमार्फत हुने भएको छ । अर्थ मन्त्रालयले हालै सिंहदरबारस्थित सबै कार्यालयको सरकारी खाताहरुको कारोबार राष्ट्रिय वाणिज्य बैंकबाट गर्न निर्देशन दिएपछि संघीय संसदको कारोबार पनि राष्ट्रिय वाणिज्य बैंकबाट गर्न लागिएको हो ।

सो कारोबार यसअघि सरकारी खाता एभरेष्ट बैंकमार्फत हुँदै आएको थियो । यता सांसदहरुले आफ्नो कारोबार सरकारी बैंकबाटै हुनुपर्ने आवाज उठाउदै आएका थिए । सङ्घीय संसद् सचिवालयका प्रवक्ता डा. रोजनाथ पाण्डेले संसद्को बैठकमा सांसदले पटक-पटक सरकारी खाता सरकारी स्वामित्वको बैंकमार्फत नभएको गुनासोलाई सम्बोधन गरिएको बताए ।