काठमाडौँ । आज धनतेरस अर्थात कुबेरको जन्मदिन । धनतेरसको दिनलाई घरघरमा समृद्धि भित्रिने दिनको रूपमा लिइन्छ । यस दिनमा गरिने किनमेललाई शुभ मानिन्छ भने यस दिन लक्ष्मीको विशेष कृपा हुने विश्वासका साथ विशेष सामग्रीहरू किनिने चलन रहेको छ । यस दिन विशेषगरी सुन, चाँदी तथा पित्तलका भाँडाकुँडाको खरिद गर्ने गरिन्छ ।
धार्मिक विश्वासअनुसार धनतेरसको दिन किनिएको कुवेर यन्त्र तथा श्री यन्त्रलाई शुभ मानिन्छ भने यस दिन किनिएको यन्त्रलाई घरको दराज तथा पसल व्यवसायमा राख्नाले वर्षभर पैसाको कमी नहुने विश्वास गरिन्छ । साथै, यस दिन लक्ष्मी र गणेशको लोगो भएको चाँदीको सिक्का किन्ने प्रचलन छ ।
जे किने पनि यो दिन धन किन्नु भन्ने चलन छ । र त आज सामाजिक संजालमा सेयर लगानीकर्ताहरुले आज सेयर किन्ने दिन भनिरहेका छन् । हुन पनि आज जसले जे सक्यो धन किन्ने दिन भएकाले सेयर लगानीकर्ताहरुले पनि धन किन्नु सुभ रहेको जानकारहरुको तर्क छ ।
यसै विषयमा चर्चित सेयर लगानीकर्ता शिव चन्द्र सामाजिक संजालमा लेख्छन्- ‘
आजदेखि भाइटीकाको दिनसम्म व्यवसाय तथा व्यक्तिगत कारोबारमा उधारो गर्दा अशुभ हुने जनविश्वाससमेत रहेको छ ।
