काठमाडौं । नेपाल टेलिकमलेचालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमासमा २ अर्ब २५ करोड ९९ लाख रुपैयाँ खुद नाफा आर्जन गरेको छ । जुन नाफा गत वर्षको भन्दा ४८.८९ प्रतिशतले बढी हो । गत वर्ष कम्पनीले १ अर्ब ५१ करोड ७७ लाख रुपैयाँ नाफा आर्जन गरेको थियो ।

कम्पनीेले सेवा व्यापार पनि बढाएको छ । अघिल्लो वर्षको यसै अवधिमा ८ अर्ब ६३ करोड रुपैयाँ आम्दानी गरेको थियो भने यसपटक बढाएर ९ अर्ब ७७ करोड रुपैयाँ पुर्याएको छ । यस्तै कम्पनीको चुक्ता पुँजी १५ अर्ब रुपैयाँ रहेको रहेको छ ।

यसैगरी कम्पनीको रिजर्भ कोष ८१ अर्ब ६० करोड रुपैयाँबाट बढेर ८३ अर्ब ८२ करोड रुपैयाँ पुगेको छ । कम्पनीको प्रतिसेयर आम्दानी पनि १९ रुपैयाँ ७९ पैसाले बढेर ६० रुपैयाँ २६ पैसा पुगेको छ भने प्रतिसेयर नेटवर्थ ६५८ रुपैयाँ ८१ पैसा रहेको छ ।