काठमाडौं । विजय लघुवित्त वित्तीय संस्था चालु आर्थिक वर्षको पहिलो त्रैमासको वित्तीय विवरण प्रकाशित गरेको छ । कम्पनीले पहिलो त्रैमाससम्म आइपुग्दा २ करोड ५२ लाख ९३ हजार रुपैयाँ खुद नाफा आर्जन गरेको छ । जुन नाफा अघिल्लो वर्षकोभन्दा ४३.३४ प्रतिशतले बढी हो । अघिल्लो वर्षको यसैअवधिका कम्पनीले १ करोड ७६ लाख ४५ हजार रुपैयाँ खुद नाफा आर्जन गरेको थियो ।
यस्तै कम्पनीको खुद ब्याज आम्दानी पनि ३९.३४ प्रतिशतले बढेर ९ करोड १८ लाख रुपैयाँ पुगेको छ । अघिल्लो वर्षको यसैअवधिमा यसले ६ करोड ५८ लाख ८४ हजार रुपैयाँ खुद ब्याज आम्दानी कमाएको थियो । कम्पनीले यस वर्ष ३ करोड २१ लाख २ हजार रुपैयाँ सञ्चालन नाफा गरेको छ । गत वर्ष भने ३५ लाख ४९ हजार रुपैयाँ सञ्चालन नाफा नोक्सानमा रहेको थियो । यस्तै कम्पनीको प्रतिसेयर आम्दानी ३७ रुपैयाँ ९३ पैसा रहेको छ भने प्रतिसेयर नेटवर्थ १७७ रुपैयाँ २५ पैसा रहेको छ ।
