काठमाडौं स् सर्वोत्तम सिमेन्ट कम्पनीको तेस्रो वार्षिक साधारणसभा मंगलबार (आज) हुदैछ । कम्पनीको सभा काठमाडौं तिनकुनेस्थित न्यौपाने टावरको पाँचौं तल्लाको हलमा बिहान ११ बजेबाट सुरु भएको छ । सभामा आर्थिक वर्ष २ं०७७/७८ को वार्षिक प्रतिवेदन र आर्थिक वर्ष २ं०७८/७९ का लागि लेखापरिक्षक नियुक्त गर्ने एजेन्डा पनि रहेको छ ।
यस्तै कम्पनीले बुक बिल्डिङ विधिबाट आइपीओ निष्कासन गर्ने प्रस्ताव सभामा पेश गर्दैछ । बुक बिल्डिङ विधिबाट आइपीओ निष्कासन गर्ने तयारीमा रहेको सर्वोत्तम सिमेन्टको रेटिङ सम्पन्न भइसकेको छ । रेटिङ एजेन्सी इक्रा नेपालले कम्पनीलाई इक्राएनपी–आइआर त्रिपल बी प्लस रेटिङ प्रदान गरेको छ । यसले कम्पनीको अवस्था मध्यम रहेको जनाउछ ।
कम्पनीले ६० लाख कित्ता आइपीओ निष्कासन गर्न लागेको हो । जसमध्ये ४०५ अर्थात् २४ लाख कित्ता योग्य संस्थागत लगानीकर्ताका लागि छुट्याइने कम्पनीले जनाएको छ । बाँकी रहेको ३६ लाख कित्तामध्ये ८ लाख कित्ता स्थानीयबासी, ३ लाख कित्ता कर्मचारी र २५ लाख कित्तामा सर्वसाधारणले आवेदन दिन सक्ने कम्पनीले जनाएको छ । ।
