काठमाडौँ । बैंकिङ कसुरको मुद्दामा फरार भएका एक व्यक्ति पक्राउ परेका छन् । महानगरीय अपराध महाशाखाको टोलीले बुढानिलकण्ठ नगरपालिका-८ घर भई हाल जितपुर सिमरा उपमहानगरपालिका-२ बस्दै आएका ६८ वर्षीय कृष्णबहादुर थापालाई जितपुर सिमरा-४ बाट पक्राउ गरेको हो ।

थापालाई उच्च अदालत पाटनले २०७७ साल मंसिर २२ गते १ करोड २५ लाख रुपैयाँ बिगो जरिवाना हुने फैसला गरेको थियो । तर, उनी बिगो दाखिला नगरी फरार भएका थिए ।

फरार भएपछि उनलाई जिल्ला अदालत काठमाडौंले २०७८ साल फागुन २० गते एक वर्ष कैद सजाय हुने फैसला सुनाएको थियो। थापालाई फैसला कार्यान्वयनको लागि जिल्ला अदालत पठाइएको महाशाखाले जनाएको छ।