काठमाडौं । सामलिङ पावर कम्पनीको वार्षिक साधारणसभा हुने भएको छ । कम्पनीको चैत २१ गते तेस्रो वार्षिक साधारणसभा हुने भएको हो । सभा कार्की ब्यांक्वेट बबरमहल, काठमाडौंमा बिहान ११ बजेदेखि हुने भएको छ । उक्त सभामा कम्पनीले हाल कायम सञ्चालक समितिको संख्या ११ जनाबाट घटाएर ७ जना बनाउने प्रस्ताप पेश गर्नेछ । यसको लागि कम्पनीको नियमावली संसोधन गर्ने एजेण्डा सभामा रहेको छ ।

यस्तै सभामा आर्थिक वर्ष २०७७/७८ को वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव पनि पेश हुनेछ । आर्थिक वर्ष २०७८/७९ को लागि लेखापरीक्षक नियुक्ति र पारिश्रमिक निर्धारण गर्ने एजेण्डा पनि रहेको छ । सभा प्रयोजनको लागि कम्पनीले चैत ७ गते बुक क्लोज गर्ने भएको छ । तसर्थ चैत ६ गतेसम्म नेप्सेमा कायम सेयरधनीले मात्र सभामा भाग लिन पाउनेछन् ।