काठमाडौं । सोल्टी होटलले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको छ । कम्पनीले पछिल्लो ६ महिनामा ४ करोड ९० लाख रुपैयाँ खुद नाफा आर्जन गर्न सफल भएको छ । गत वर्ष होटल ११ करोड ५१ लाख रुपैयाँ नोक्सानमा थियो । गत वर्ष १६ करोड ९८ लाख रुपैयाँ रहेको आम्दानी कम्पनीले यस त्रैमासमा भने १६३.६९ प्रतिशतले बढाएर ४४ करोड ७८ लाख रुपैयाँ पुर्याएको छ ।

यता कम्पनीले पुससम्ममा ५ करोड २४ लाख रुपैयाँ सञ्चालन नाफा गर्न सफल भएको छ । गत वर्ष कम्पनी ११ करोड ४९ लाख रुपैयाँ सञ्चालन नोक्सानमा रहेको थियो । हाल यसको चुक्ता पुँजी ८४ करोड २५ लाख ७९ हजार रुपैयाँ रहेको छ । यस्तै कम्पनीको रिजर्भ कोषमा ६३ करोड ८६ लाख रुपैयाँ रहेको छ भने प्रतिसेयर आम्दानी ५८ पैसा र प्रतिसेयर नेटवर्थ भने १७ रुपैयाँ ७८ पैसा रहेको छ ।