‘अव कसैको पनि घटुवा हुने छैन । पोस्ट म्यापिङ गरेर अगाडी बढ्ने सहमति भएको छ। ‘ नेपाल राष्ट्र बैंकका एक उच्च अधिकारीले भने, ‘अव आजको सहमतिपछि नबिल र एनबीमा भईरहेको स्टाफ एडजष्टमेन्टको ‘लफडा’ टुंगिएको छ ।’ उनका अनुसार अव नेपाल बंगलादेश बैंकका कुनै पनि तहका कर्मचारी नबिल बैंक जान चाहेमा उनीहरुको घटुवा हुने छैन । तर यसरि नबिल बैंक जाने कर्मचारीहरुको तलव सुविधा भने नेपाल बंगलादेश बैंकमै खाईरहेको तलव हुनेछ । अर्थात अव नबिलमा उही तहका कर्मचारी भएपनि कोहि बंगलादेश बैंकबाट आएको भए उसको तलव कम हुनेछ । नेपाल बंगलादेश बैंकका कर्मचारीले पनि यो विषयमा सहमति दिएको बुझिएको छ ।

अर्कोतर्फ नबिल नजाने र भीआरएस लिएर बैंक छोड्न चाहानेहरुका लागि पनि पूर्व निर्धारित भीआरएस योजनामा ३ महिनाको तलव थपेर दिनेसमेत सहमति भएको छ । सुरुमा घोषणा गरिएको कार्यक्रममा ३-३ महिनाको तलव थपेर बैंक भीआरएस लिएर बैंक छोड्न चाहानेहरुलाई दिनेछ ।

राष्ट्र बैंकको पहलमा भएको यो सहमतिले अव नेपाल बंगलादेश बैंकका कर्मचारीहरु पनि सन्तुष्ट हुने र नबिल बैंकका कर्मचारीको पनि असन्तुष्टी नहुनेगरी निर्णय भएको नेपाल बंगलादेश बैंकका एक उच्च अधिकारीले समेत पुष्टी गरे । ‘राष्ट्र बैंकको पहलपछि सबैले जित्नेगरी विन-विन खालको सहमति भएको छ । अव हामीलाई कुनै पनि समस्या छैन ।’ नेपाल बंगलादेश बैंकका एक उच्च अधिकारीले अर्थ सरोकारसँग भने, ‘हाम्रो पूर्व सीइओको नेपाल राष्ट्र बैंकमा कति राम्रो सम्बन्ध रहेछ भन्ने तथ्य पनि प्रमाणित भयो । हामी सबैले जित्यौँ ।’