काठमाडौँ। पोखराको सभागृहचोकमा केन्द्रीय कार्यालय रहेको ग्रीन डेभलमपमेण्ट बैंक लिमिटेडको कायम मुकायम प्रमुख कार्यकारी अधिकृतमा हरि बहादुर बुढाथोकी नियुक्त भएका छन् । बैंकका कर्जा तथा व्यवसाय प्रबर्द्धन विभाग प्रमुख बुढाथोकी लाई बैंकको संचालक समितिको २०७९ ज्येष्ठ ३१ गते बसेको १७६औँ बैठकले २०७९ आसार १ गते देखी लागुहुने गरि बैंकको कायम मुकायम प्रमुख कार्यकारी पदमा नियुक्त गरेको हो । विगत १६ वर्ष भन्दा वढि बैंकिङ क्षेत्रको अनुभव भएका बुढाथोकी बैंकको कर्जा तथा व्यवसाय प्रबर्द्धन विभाग प्रमुखको रुपमा कार्यरत थिए ।
चार वर्ष अगाडी बैंकको प्रमुख कार्यकारी अधिकृतमा नियुक्त भएका उमेश कुमार आचार्यको २०७९ ज्येष्ठ ३१ गते कार्यकाल समाप्त भएकोले बुढाथोकीलाई कामय मुकायम प्रमुख कार्यकारी अधिकृत पदमा नियुक्त गरिएको हो । २० वर्षको बैंकिङ अनुभवमा १५ वर्ष भन्दा बढि प्रमुख कार्यकारी अधिकृत रहेका आचार्यलाई बैंकको उन्नती र प्रगतीमा पुर्याएको योगदानको कदर गर्दै धन्यवाद दिने र उनको उज्वल भविष्यको कामना गर्ने निर्णय समेत बैंक संचालक समितिले गरेको बैंकका सुचना अधिकारी सुशिल पौडेलले बताए । आफ्नो चार वर्षे कार्यकाल पुरा गरी विदा भएका प्रमुख कार्यकारी अधिकृत उमेश कुमार आचार्यको सम्मानमा बैंकले विदाई कार्यक्रम आयोजना गरेको पौडेलले बताए । उनको चारवर्षे कार्यकालमा बैंकले आफ्नो व्यवसायमा उल्लेख्य वृद्धी, डिजिटल बैंकिङ गर्नुका साथै, कार्यक्षेत्र विस्तार गरेको साथै शाखा संजालमा व्यापक विस्तार गरेको थियो ।
व्यवस्थापन संकायमा स्नातकोत्तर गरेका बुढाथोकीको कर्जा व्यवस्थापनमा विषेश अनुभव रहेको छ । बुधवार आयोजित पदस्थापना कार्यक्रम मार्फत् कार्यभार सम्हालेका बुढाथोकीले आम सर्वसाधारणहरुमा बैंकिङ पहुच पुर्याउन ग्रीन डेभलपमेण्ट बैंकलाई विषेश नेतृत्व प्रदान गर्ने बताए । ग्राहकवर्ग, शेयरधनी तथा नियमनकारी निकायहरुको चाहना तथा नीति, निर्देशन बमोजिम बैंकको सेवामा आमुल परिवर्तन ल्याउन बिशेष भुमिका निर्वाह गर्ने बताए । बैंकले हाल कास्की, बागलुङ, म्याग्दी, तनहूँ र नवलपुरमा रहेका १६ वटा शाखा कार्यालयहरुबाट विभिन्न किसीमका अत्याधुनिक बैंकिङ सुविधा प्रदान गर्दै आईरहेको छ ।
