काठमाडौँ । सिन्धु विकास बैंक लिमिटेड, चरिकोट, दोलखा शाखाद्धारा मिति २०७९ जेष्ठ २० गते शुक्रबारका दिन सामाजिक उत्तरदायित्व अन्तर्गत बैंकको प्राङ्गणमा खुला रक्तदान कार्यक्रम सम्पन्न गरेको छ । उक्त कार्यक्रममा नेपाल रेडक्रस सोसाईटी चरिकोटका प्रतिनिधि लगाएत बैंकका उच्च व्यवस्थापनको समेत उपस्थिती रहेको थियो । उक्त कार्यक्रममा चरिकोट बजार लगायत आसपास क्षेत्रका स्थानिय वासिन्दा तथा विभिन्न बैक बित्तिय संस्था एवं अन्य संघ संस्थाका प्रतिनीधिहरु समेत गरी ७६ जनाले रक्तदान गरेका थिए ।

सिन्धुपाल्चोक जिल्लाकै प्रथम विकास बैंकको रुपमा स्थापित यस बैंकले आफ्नो कार्यक्षेत्र सिन्धुपाल्चोक, दोलखा, काभ्रेपलाञ्चोक, मकवानपुर र चितवन जिल्ला समेत गरी ५ जिल्लाहरुमा २४ वटा शाखा कार्यालयहरु र २ वटा सिमित बैकिङ ईकाइबाट बैकिङ सेवा प्रदान गर्दै आईरहेको छ । बैंकले आफ्नो कार्यक्षेत्रका अधिकांश ग्रामिण भेगहरुमा बैंकिङ सेवा विस्तार गरी उक्त क्षेत्रमा बसोवास गर्ने सर्वसाधारण ब्यक्तिहरुलाई सर्वसुलभ तवरले सेवा प्रदान गर्दै आईरहेको छ । बैंकले हाल रहेको प्रतिस्पर्धी बजारमा ग्राहकहरुको सुविधाको लागी सम्पूर्ण शाखा कार्यालयहरु मार्फत सन्ध्याकालिन बैकिङ सेवा, मोवाईल बैकिङ, SCT डेबिट कार्ड,SMS Banking, QR Code, C–ASBA लगायत सेवाहरु प्रदान समेत गर्दै आईरहेको छ ।