काठमाडौँ । नेकपा एमालेको आर्थिक तथा योजना विभाग सदस्यमा एम. अधिकारी (खोटाङ) नाम समेटिएपछि यस विषयले अहिले ठुलै चर्चा पाईरहेको छ । एम अधिकारी भनेकै नेपाल राष्ट्र बैंकका गभर्नर महाप्रसाद अधिकारी रहेको र कानुनले कुनै राजनीतिक पार्टीको सदस्य गभर्नर हुन नपाउने व्यवस्था राखेकाले सामाजिक संजालमा यो विषयले ठुलै चर्चा पाईरहेको छ । यसैबीच एमाले खोटाङको रेकर्डमा समेत एम अधिकारी नामका कोहि पनि पार्टी सदस्य नरहेको खुलासा भएको छ । ‘एम अधिकारी नाम गरेका कोहि पनि पार्टी सदस्य छैनन् ।’ एमाले खोटाङका एक नेताले अर्थ सरोकारसँग भने, ‘हामी स्वयम् अचम्ममा परिरहेका छौं ।’