काठमाडौँ । नेपाल इन्भेष्टमेन्ट बैंक लिमिटेडको पूर्ण स्वामित्वमा रहेको एनआईबिएल एस क्याप्टिल लिमिटेडले मर्चेन्ट बैंकिङ तथा इन्भेष्टमेन्ट बैंकिङ क्षेत्रमा सेवा प्रदान गर्दैआएको आज १० वर्ष पूरा भएको छ । आफ्नो १० वर्षे सफल कार्यकालमा यस क्यापिटलले १८८ कम्पनीको आइपीओ तथा विभिन्न कम्पनीको हकप्रद शेयर निष्काशनका लागि निष्काशन तथा बिक्री प्रबन्धकको रुपमा समेत कार्य गरेको छ । यस क्याप्टिल हाल ५१ कम्पनीको सेयर रजिष्ट्रारको रुपमा समेत कार्यरत रहेको छ ।
क्याप्टिल, योजना व्यवस्थापक रही ‘एनआईबिएल म्युचुअल फण्ड’ अन्तर्गत तीनवटा बन्दमुखी र एक खुलामुखी म्युचुअल फण्ड योजनाहरू संचालनमा ल्याइसकेको छ । जसमध्ये एनआईबिएल समृद्धि फण्ड-१ परिपक्क भई आफ्नो इकाईधनीहरुलाई रकम समेत फिर्ता गरिसकेको जनाएको छ । साथै नयाँ बन्दमुखी योजना ‘एनआईबिएल ग्रोथ फण्ड’ नेपाल धितोपत्र बोर्डमा पेश भई प्रारम्भिक समीक्षाको चरणमा रहेको पनि विज्ञप्ति मार्फत बताएको छ ।
कम्पनीले ७०० भन्दा बढि लगानीकर्तालाई लगानी व्यवस्थापन सेवा प्रदान गर्दै आइरहेको छ भने आफ्नो संस्थागत परामर्श सेवा अन्तर्गत ३४ कम्पनीलाई सेवा प्रदान गर्दै आइरहेको कम्पनीको दाबी रहेको छ । हालसम्म कम्पनीले ३ लाख ग्राहकवर्गलाई डिम्याट खाता तथा २.२५ लाख ग्राहकवर्गलाई मेरो सेयर सेवा समेत प्रदान गर्दै आइरहेको छ । आजकै दिन १० वर्ष पूरा गरेको अवसरमा यस क्यापिटलले प्रदान गर्दै आइरहेको सेवाहरुमा विशेष छुटका साथै ग्राहकवर्गलाइ लक्षित गरी निम्न योजनाहरु समेत ल्याएको जनाएको छ ।
१. डिम्याट को वार्षिक नविकरण शुल्कमा १० वर्षको अग्रिम भुक्तानीमा थप १० वर्ष नि:शुल्क नविकरण
२. रु.१० मा मार्केट एक्सपर्ट
३. व्यवस्थित लगानी योजना सिस्टमेटिक इन्भेस्टमेन्ट पालान (एसआइपी) को धन्यवाद अफर (लगानीकर्ता हरु मध्ये बाट १० जना भाग्यशाली महानुभावहरुलाई रु १०,००० बराबरको इकाई प्रदान गरिने र भाग्यशाली विजेताहरुको छनोट गोलाप्रथाद्वारा फेसबुक लाईभ मार्फत गरिने बताएको छ।
४. एसआइपीमा दर्ता हुने बालबालिकालाई आकर्षक उपहार प्रदान गरिने (basket of happiness)
यो योजना २०७९ साल श्रावण १५ गते देखि २०७९ साल श्रावण २५ गते सम्मको लागि, लागु हुने यस क्याप्टिलले बताएको छ । थप जानकारीको लागी, एनआईबिएल एस क्यापिटल लिमिटेडको वेवसाईट www.niblcapital.com तथा मुख्य कार्यलय-फोन नम्बर : (०१४४२५२८०) मा सम्पर्क गर्न सकिनेछ ।
