काठमाडौँ । नेपाली पूँजी बजारमा भिडियो केवाईसी मार्फत डिम्याट खाता खोल्ने सुविधा ल्याएको मर्चेन्ट कम्पनी प्रभु क्यापिटल लिमिटेडले ‘प्रभु क्यापिटल क्यास्टिभल अफर’ संचालनमा ल्याएको छ । प्रभु क्यापिटलले आफ्नो ग्राहकहरुका लागि यही साउन महिना देखि शुरु भएको चाडपर्वलाई लक्षित गर्दै ‘प्रभु  क्यापिटल क्यस्तीभल अफर’ ल्याएको बताएको छ ।

‘ यो योजना साउन महिना देखि कार्तिक महिनाको छठ पर्व सम्म संचालन हुनेछ । यस क्यास्टिभल अफर अन्तर्गत प्रभु क्यापिटलको मोबाइल एप डाउनलोड गर्ने ग्राहकले रु. १,००,००० सम्म जित्नसक्ने छन् भने योजनामा सहभागी हुन ग्राहकले आफ्नो मोबाईलमा प्रभु क्यापिटलको प्रभु क्यापिटल डिजिटल एप डाउनलोड गर्नुपर्नेछ र सो एपमा रजिस्टर गरी आफ्नो डिम्याट खाता लिंक/कनेक्ट गर्नुपर्नेछ ।’ क्यापिटलद्वारा जारी विज्ञप्तिमा भनिएको छ ।

यो अफरमा मासिक रुपमा ३ जना विजेताले रु ५०००/-, ३०००/-, २०००/- जित्न सक्नेछन् भने बम्पर योजनामा सम्पूर्ण सहभागीहरु मध्ये एक जना भाग्यशाली विजताले रु १,००,०००/- जित्न सक्ने कम्पनीले बताएको छ । यो योजना हालसम्म एप डाउनलोड गरेका ग्राहकको हकमा समेत लागू कम्पनीले जनाएको छ ।