काठमाडौँ । नेपाल प्रहरीले भन्सार छलेर ल्याएको मोबाइलसहित एकजनालाई पक्राउ गरेको छ । अपराध अनुसन्धान कार्यालयबाट खटिएको प्रहरी टोलीले विभिन्न मोडेलका १२ थान मोबाइलसहित भारत पंजाब स्थित जलांदर घर भएका ३५ वर्षीय सन्दिप अहुजालाई पक्राउ गरेको हो ।

उनलाई गौशाला स्थित होटल कल्चरबाट पक्राउ गरिएको हो । उनि बस्दै आएको होटलको कोठा नं.२०३ को खानतलाशी गर्दा विभिन्न मोडलका १२ थान मोबाइल भेटिएको प्रहरीले जनाएको छ । पक्राउ परेका अहुजालाई थप अनुसन्धान तथा कारबाहीका लागि त्रिभुवन अन्तर्राष्ट्रिय विमानस्थल भन्सार कार्यालय पठाइएको प्रहरीले जनाएको छ ।