काठमाडौँ । डिशहोमले प्रदान गर्ने सेवाहरु फाईबरनेट , डिटिएच र फाईबरनेट + डिटिएच कोम्बो अब नेपालमा उपलब्ध अनलाईन सेवा मार्फत रिचार्ज गर्न सकिने भएको छ । अब आइएमई पे, ई-सेवा, खल्ती र प्रभु पे मार्फत माथि उल्लेखित सेवाहरु सजिलै अनलाईन रिचार्ज गर्न सकिने भएको हो । रिचार्ज गर्ने क्रममा आफुले कुन सेवा लिएको छ त्यसलाई राम्रो सँग बुझेर मात्र रिचार्ज गर्नुपर्ने कम्पनीले बताएको छ ।
जस्तै, डिशहोम डिटिएच मात्र प्रयोग गरेको छ भने, टि.भी सेग्मेन्टमा गएर डिशहोममा क्लिक गरेर रिचार्ज गर्न सकिन्छ । त्यस्तै, डिशहोम फाईबरनेट मात्र प्रयोग गरेको छ भने, इन्टरनेट सेग्मेन्टमा गएर डिशहोम फाईबरनेटमा क्लिक गरेर रिचार्ज गर्न सकिने कम्पनीले जारी गरेको विज्ञप्तिमा उल्लेख छ ।
त्यस्तै फाईबरनेट + डिटिएच कोम्बो, प्याकेज लिएको छ भने यसको लागि पनि टि.भी सेग्मेन्टमा गएर डिशहोम कोम्बो प्याकेज मा क्लिक गरेर आफ्नो कोम्बो प्याकेज रिचार्ज गर्न सकिन्छ । यदी अनलाईन रिचार्जको क्रममा केही समस्या आएमा ग्राहक केन्द्र ९८०१५४४००० मा सम्पर्क गर्न सकिने कम्पनीले जनाएको छ ।
