काठमाडौँ । नेपाल बैंकबाट ग्राहकको रकम अपचलन धबेन्द्र न्यौपाने भागेपछि अहिले बैंकको गुलरिया साखासहित अन्य साखामा पैसा झिक्नेहरु बढेका छन् । नेपाल बैंकमाराखेको राखेको रकम असुरक्षित रहेको भन्दै पैसा झिक्नेहरु बढीरहेका बेला बैंकले भने जनताको निक्षेप असुरक्षित नरहेको दाबी गरेको छ । अर्थ सरोकारसँग कुराकानी गर्दै बैंकका प्रमुख प्रशाशकीय अधिकृत एवम् सूचना अधिकारी प्रकाश कुमार अधिकारीले बैंकमा जनताले रकहेको रकम असुरक्षित नरहेको दाबी गरेका हुन् । नेपाल बैंकका कर्मचारीले कनेक्ट आईपीएसमार्फत ग्राहकको पैसा चोर्ने गरेको तथ्य बाहिर आएपछि बैंकले जनताको पैसा सुरक्षित रहेको दाबी गरेको हो । नेपाल बैंकमा जनताको पैसा सुरक्षित रहे-नरहेको बारे चौतर्फी प्रश्न आएपछि हामीले बैंकका प्रमुख प्रशासकीय अधिकृत अधिकारीसँग कुराकानी गरेका छौँ । प्रस्तुत छ, उनै अधिकारीसँग गरिएको कुराकानीको सम्पादित अंश :
१. ग्राहकले बैंकमा जम्मा गरेको रकम ‘अनियमितता’ गरेर भागेका नेपाल बैंकका कर्मचारी अझै फरार छन् । जनताले राखेको पैसा डुब्छ कि भन्ने चिन्तामा थुप्रै ग्राहक छन् । तपाईंको आन्तरिक टोलीले पनि अनुसन्धान गरिरहेको थियो । रिपोर्ट कस्तो आयो ?
हामीले न्यौपानेको खोजी उनी सम्पर्कविहीन भएकै दिनदेखि गरिरहेका छौँ । उनी आफै फरार रहेकाले सजिलै सम्पर्कमा आउने कुरा भएन । बरु हामी उनको परिवारसँग निरन्तर सम्पर्कमा छौँ, उहाँहरुसँग पनि हाम्रो कुरा भईरहेको छ । तर न्यौपाने परिवारको पनि सम्पर्कमा आएका छैनन् । यसमा बैंकले प्रहरीसँग पनि समन्वय गरिरहेको छ । बर्दिया प्रहरीमा बैंकले उजुरी पनि दिईसकेको छ । प्रहरीले पनि न्यौपानेको खोजीकार्यलाई सशक्त बनाएको छ ।
हो, तपाईले भनेको कुरामा सत्यता छ । न्यौपानेले सुर्खेतमा हुँदा पनि बैंकको झण्डै १७–१८ लाख रुपैयाँ हिनामिना गरेको पुष्टी भईसकेको छ । उनले सुर्खेत र बर्दियाको गुलरिया गरि दुई शाखाबाट रकम अपचलन गरेका छन् । दुवै शाखाबाट अपचलन भएको रकमको अनुपात ७० लाख आसपास रहेको छ । बैंकको विशेष टोली अझै पनि अनुसन्धानमै छ । अनुसन्धान सकिँदा रकम अझै बढ्न पनि सक्छ वा केही रकम घट्न पनि सक्ने सम्भावना छ । तर उनले बैंकको ठुलो रकम हिनामिना गरेका छन् ।
बचतकर्ता आत्तिएको अवस्था भने छैन, रकम निकाल्नेहरु केहि बढेका भने हुन् । म आफैँ पनि बैंकको सो शाखामा पुगेर आएको छु । बैंकका मेनेजर भागे भनेर हल्लाखल्ला भएपछि सामान्य सोधपुछ भएको छ तर तपाईंले भनेजस्तो अवस्था भने छैन । कुनै ग्राहकले आफ्नो रकम हिनामिना भएको गुनासो लिएर आयो भने तत्कालै त्यसलाई बैंकको मेनेजमेन्ट टिमले समाधान गर्छ । यसैपनि ३०–३५ अर्ब पैसा रिजर्भमा भएकाले बैंकलाई धेरै समस्या हुने कुरा भएन।निक्षेपकर्ताको बचत रकमको ग्यारेन्टी बैंकले नै लिन्छ । कुनै ग्राहकको ब्याजसहित १ रुपैयाँपनि तलमाथि हुन दिँदैनौ ।
त्यस्तो हुँदैन । विशेष समितिले दिएको प्रारम्भिक रिपोर्टका आधारमा बैंकले उक्त घटनामा आन्तरिक कार्वाही सुरु गरेको छ । कुनै ग्राहकको खाता यो प्रकरणमा ‘टच’ भएनभएको भन्ने विषयमा सुक्ष्म रुपमा अनुसन्धान गरिरहेको छौँ र त्यसो भएमा फण्ड म्यानेजमेन्ट गर्ने सवालमा सतर्क भएर बैंक अगाडी बढीसकेको छ । अहिलेसम्म बैंकको विशेष टोलिले प्रारम्भिक रुपमा मात्रै छानविन गरेको छ । जसबाट ७० लाखको हाराहारीमा रकमा अपचलन भएको देखिएको छ । अब यसमा दोहोरो छानबिन हुन्छ । एकातिर प्रहरीले पनि अनुसन्धान गर्छ र बैंकको उच्च स्तरबाट पनि छानविन गरिन्छ । त्यसपछि आएको निश्कर्षका आधारमा के कार्वाही हुन्छ वा के गर्ने भन्ने विषयमा अगाडी बढ्ने हो ।
