काठमाडौं । क्रोएसिया पठाइदिन्छु भन्दै रकम ठगेको आरोपमा प्रहरीले एक जनालाई पक्राउ गरेको छ । जिल्ला धनकुटा, चौबिसे गाउपालिका-५ घर भई हाल काठमाडौंको भीमसेनगोला बस्ने ३८ वर्षीय शान्त कुमार देवानलाई प्रहरीले पक्राउ गरेको हो ।
देवानले गोकुल भण्डारीलाई वर्किङ्ग भिशामा क्रोएसिया पठाइदिने भन्दै प्रति व्यक्ति ७ लाख रकम लाग्ने र क्रोएसियामा अटो मोबाइल कम्पनीमा जागिर लगाइदिने प्रलोभन देखाई पिडितबाट २ लाख रकम ठगि गरेर सम्पर्क विहीन भएको प्रहरीले जनाएको छ ।
उनलाई काठमाडौं उपत्यका अपराध अनुसन्धान कार्यालयबाट खटिएको टोलीले बिहिबार कागेश्वरी मनोहरा नगरपालिका, काँडाघारीबाट पक्राउ गरेको हो । पक्राउ परेका देवानलाई थप अनुसन्धान तथा कारबाहीको लागि वैदेशिक रोजगार विभाग, बुद्धनगर पठाइएको प्रहरीले जनाएको छ ।
