काठमाडौँ । बैंकिङ सेवाहरुमा डिजिटाइजेसनलाई प्रवर्धन गर्दै आएको सनराईज बैंकले न्यास्नल पेमेन्ट स्विच अन्तर्गत नेपालपे क्युआर लाई आफ्नो मोबाइल बैंकिङ एप्लीकेसन सनराईज स्मार्टमा एकीकृत गरेको छ ।

बैंकको केन्द्रीय कार्यालयमा भएको एक कार्यक्रमकाबिच बैंकका नायव महाप्रबन्धक रविन नेपाल तथा नेपाल क्लीयरिङ्ग हाउस लि. का प्रमुख कार्यकारी अधिकृत निलेस मान सिंग प्रधानले संयुक्त रुपमा सेवाको शुभारम्भ गरेका थिए ।

सनराईज बैंकका ग्राहकहरुले आफ्नो मोबाइल बैंकिङ एप प्रयोग गरी नेपालपे क्युआर र्मचेन्टहरुमा सजिलै भुक्तानि गर्न सक्नेछन् । साथै, सनराईज बैंकमार्फत क्युआर भुक्तानी सेवा लिएका वा लिन चाहने व्यावसायी हरुले नेपालपे क्युआर स्ट्यान्डि प्राप्त गर्न पनि सक्ने बैंकले जनाएको छ।

सबै क्षेत्र र वर्ग सम्म बैंकिङ सेवाको पहुँच पुर्याउने उद्धेश्यले बैंकले २०,००० भन्दा बढि मर्चेन्ट नेटवर्क ( POS तथा QR ), १५९ एटिएम , १३९ शाखा, १३ वटा एक्सटेन्सन काउण्टर, ९४ वटा शाखारहित बैंकिङ सेवा मार्फत सेवा प्रदान गर्दै आएको यस सनराईज बैंक कार्ड पेमेन्ट क्षेत्रमा पनि अग्रणी रहेको बैंकले दाबी गरेको  छ ।