काठमाडौँ । भिभोले बुवाको मुख हेर्ने दिनको अवसरमा ग्राहकलाई उपहारको व्यवस्था गरेको छ । भिभो एक अग्रणी विश्वव्यापी स्मार्टफोन ब्रान्ड हो जसले नेपालमा सुलभ मुल्यमा अतुलनीय विशेषताका स्मार्टफोनहरूमार्फत प्रयोगकर्ताको मन जित्दै आइरहेको छ । वाई शृङ्खला अन्तर्गत, भिभोको शक्तिशाली प्रदर्शन र उत्कृष्ट सुविधाहरू भएका उत्कृष्ट उपकरणहरु छन् जुन तपाईंको बुबाका लागि उत्तम उपहारहरू हुन सक्ने कम्पनीले जनाएको छ । यो बुबाको मुख हेर्ने दिनलाई यादगार बनाउन भिभोले निम्न स्मार्टफोनहरु बजारमा ल्याएको छ ।
१. भिभो वाई२०
भिभो वाई२० ले शानदार डिजाइन र उत्कृष्ट क्यामेरा विशेषताहरूको साथ प्रभावशाली प्रदर्शन प्रदान गर्दछ । यसमा ५००० एमएएच सुपर क्षमताको ब्याट्री छ जसलाई १० वाट फास्ट चार्ज टेक्नोलोजीले स्मार्टफोनलाई लामो समयसम्म निर्धक्क चलाउन सक्षम बनाउँने कम्पनीले जनाएको छ । साथै, ४ जीबी र्याम र ६४ जीबी रोमले प्रशस्त स्टोरेज प्रदान गर्दछ । वाई २० मा १३ एमपी रियर क्यामेरा, २ एमपी बोकेह क्यामेरा र २ एमपी म्याक्रो क्यामेराको ट्रिपल म्याक्रो क्यामेरा सेटअप रहेको छ जुन तपाईंको बुबाको लागि तस्बिरहरू सेयर गर्न उत्कृष्ट उपकरण हो । मोबाइलमा आई प्रोटेक्सन मोड पनि छ जसले आँखालाई सुरक्षित राख्छ र स्मुद भ्यूइंग अनुभवको आनन्द लिन सकिने कम्पनीले जनाएको छ । यो स्मार्टफोन केवल २० हजार ९ सय ९९ मा देशभर उपलब्ध रहेको छ ।
२. भिभो वाई१५सी
भिभो वाई १५ सी एक स्टाइलिश र शक्तिशाली स्मार्टफोन हो जसमा १३ एमपी ए आई डुअल क्यामेरा रहेको छ । साथै, सुक्ष्म विवरणहरुका लागि २ एमपी सुपर म्याक्रो क्यामेरा छ जसले ४ सेमी फोकस प्रदान गर्ने कम्पनीले जनाएको छ । यसमा ६.५१ इन्च हलो फुलभ्यू डिस्प्ले छ जसमा आई प्रोटेक्सन मोडले रोमाञ्चक भ्यूइंग अनुभव प्रदान गर्दछ । वाई १५ सी ३जीबी र्याम र ३२ जीबी रोमको साथ आँउछ । यसमा दिनभर टिक्ने ५००० एमएएचको विशाल ब्याट्री रहेको छ । यसमा भएको साइड-माउन्ट फिंगरप्रिन्ट स्क्यानरले फोनलाई अनलक गर्न धेरै सहज बनाउँछ । हाल, वाई १५ सी को मुल्य १७ हजार ९ सय ९९ रहेको छ ।
३. भिभो वाई२१
शक्तिशाली ब्याट्री, उत्कृष्ट डिजाइन र मेमोरी भएको सुलभ मुल्यका उपकरण खोज्ने प्रयोगकर्ताहरूलाई वाई २१ उपयुक्त स्मार्टफोन हुनसक्ने कम्पनीले जनाएको छ । यसमा ५००० एमएएच ब्याट्री र १८ वाट फास्ट चार्ज छ । यसको ८.०० एमएम सुपर स्लिम बडीले वाई २१ लाई हल्का तौल र आकर्षक बनाउँछ । यसमा १३ एमपी रियर क्यामेरा र ८ एमपी फ्रन्ट क्यामेरा छ जसबाट उत्कृष्ट फोटो खिच्न सकिन्छ । यो ४जीबी र्याम र ८जीबी रोममा उपलब्ध छ र यसको मुल्य २२ हजार ९ हजार ९९ रुपैयाँ रहेको छ ।
