काठमाडौं । बजार थ्री ह्विलर्सको वितरक कम्पनी हंसराजहुलास चन्द्र एण्ड कम्पनीले दशैं, तिहारलाई लक्षित गरी छुट योजना घोषणा गरेको छ । ‘यसपालीको चाड, उपहारसँगै स्वरोजगार’ छुट अभियानमा बजाज री बीएस ६ र बजार म्याक्सिमा सी को खरिदमा ३२ इन्चको हिमस्टार लिड स्मार्ट वा सामसङ एफ २२ स्मार्ट फोन पाइने कम्पनीले जनाएको छ ।
हंसराज हुलासचन्द एण्ड कम्पनीका निर्देशक, अभिमन्यु गोल्छाले भने, ‘चाडपर्वको अवसरमा हाम्रा ग्राहकहरू माझ यो अभियान प्रस्तुत गर्न पाउँदा हामीलाई निकै गर्व लागेको छ । उत्कृष्ट उत्पादनहरूका साथै चाडवाडको रमाइलो अवसरमा रमाइला अफरहरू हाम्रा ग्राहकहरूलाई प्रदान गर्ने हाम्रो लक्ष्य हो । यो अफरले मानिसहरूलाई आफ्नै देशमा बजार म्याक्सिमा सी वा बजाज री बीएस ६ खरिद गरि स्वरोजगार भई आत्मनिर्भर हुन प्रोत्साहन गर्नेछ ।’
कम्पनीको लक्ष्यले मानिसहरूलाई आफ्नै देशमा तीन पांग्रेमार्फत स्वरोजगार बन्न प्रेरणा दिनेपनि गोल्छाको भनाइ छ । उपहार योजना सीमित अवधिका लागि मात्रै मान्य हुने पनि कम्पनीले जनाएको छ ।
