काठमाडौँ । नेपाल विज्ञापन संघ (आन)ले आयोजना गरेको गोल्डेन ओक १२औं कृति अवार्डस् २०७९ को उत्कृष्ट मनोनयनहरुको घोषणा गरेको छ । विभिन्न ३१ वटा बिधामा परेका ४२५ मनोनयनहरु मध्ये हरेक बिधामा उत्कृष्टताको उच्चतम ५ वटासम्मका मनोनयनहरु शुक्रबार होटल याक एण्ड यतिमा आयोजित भव्य समारोहकाबीच घोषणा गरिएको थियो। उक्त कार्यक्रममा विज्ञापन व्यबसायी, मिडिया, विज्ञापनदाता तथा विज्ञापनकर्मिहरुको उल्लेखनिय उपस्थिती रहेको थियो ।

विज्ञापन व्यबसायि, मिडिया, विज्ञापनदाता तथा विज्ञापनकर्मिहरुको साझा कार्यक्रम गोल्डेन ओक १२औं कृति अवार्डस् २०७९ को तिन शिर्षक मध्य मेनस्ट्रिम अन्तगर्तका बिधाहरुमा उत्कृष्ट-५, तथा टेक्निकल र क्याम्पेन शिर्षक अन्तगर्तका बिधाहरुमा उत्कृष्ट ३/३ जना छनौटहरुको शुक्रबार घोषणा गरिएको हो । यस गोल्डेन ओक १२औं कृति अवार्डसमा ३१ वटा बिधामा ४५ वटा एजेन्सीहरुले ४२५ वटा नोमिनेसन दर्ता गराएका थिए ।

गोल्डेन ओक १२औं कृति अवार्ड २०७९ को मुख्य प्रायोजकमा गोल्डेन ओक, पावर बाइमा बाल्ट्रा र डिसहोम रहेको छ । त्यसै गरी कार्यक्रमको अन्य प्रायोजकहरुमा बैंकिङ पार्टनरका रुपमा मुक्तिनाथ बिकास बैक लि., ट्राभल पार्टनरमा गुरु ट्राभल्स, सपोर्टेड वाईमा आइ.टि.पि.एफ., प्रभु बैक, सफ्टि हाइजिन, सेल पे, र राष्ट्रिय बाणिज्य बैंक रहेको कम्पनीले जनाएको छ ।

गोल्डन ओक १२औं कृति अवार्डस २०७९ को मुल समारोह होटल सोल्टिमा भाद्र २५ गते शनिवार हुने भएको छ । कृतिको टप फाइभ नोमिनेसनको कार्यक्रमको प्रायोजन अनलाइन खवर डट कम र हिमालय टिभि एचडिले गरेका थिए । कार्यक्रममा बाहौं कृतिका ट्राभल पार्टनर-गुरु ट्राभल्स र आनबीच सहकार्यको लागि समझदारीपत्रमा हस्ताक्षर भएको थियो ।