काठमाडौँ । कोरिया र इजरायलमा कृषि प्रशीक्षार्थी पठाउने कुनै योजना नरहेको नेपाल उद्योग वाणिज्य महासंघले स्पष्ट पारेको छ ।
उद्योग वाणिज्य महासंघ अन्तर्गतको कृषि उद्यम केन्द्र मार्फत दक्षिण कोरिया र इजरायलमा कृषि क्षेत्रमा प्रशीक्षार्थी पठाउने भन्ने सम्बन्धमा विभिन्न संचार माध्यम एवम् सामाजिक संजालमा आएका सूचना एवम् समाचार सत्य नभएको महासंघ जनाएको छ ।
‘दक्षिण कोरिया र इजरायलमा प्रशिक्षार्थी कामदार पठाउने सम्बन्धमा महासंघले कुनै पनि निर्णय नगरेको समेत सबैमा जानकारी गराउन चाहन्छौँ ।’ महासंघले भनेको छ ।
यसरी प्रशिक्षार्थी पठाउनेबारे महासंघले आफ्ना कुनै पनि सदस्यहरूलाई आग्रह नगरेको एवम् प्रशिक्षार्थी पठाउने कुनै पनि कार्यक्रम नरहेकोले सोही अनुसार सूचना प्रवाह गर्न महासंघले आफ्ना सम्पूर्ण सदस्यहरूलाई विज्ञप्ति मार्फत सूचित गरेको छ ।
