काठमाडौं । अभियान लघुवित्त वित्तीय संस्था लिमिटेडले आफ्नो तेस्रो वार्षिकोत्सवको अवसर पारेर विभिन्न कार्यक्रम सञ्चालन गरेको छ । केन्द्रिय कार्यालय पनौती, ४ ,काभ्रेमा रहेको यस संस्थाले पनौती बसपार्कमा वृहत रक्तदान कार्यक्रम सम्पन्न गरेको छ ।
संस्थाको विभिन्न शाखा कार्यालयमा समेत वार्षिकोत्सवको अवसरमा रक्तदान वृक्षारोपण, वितिय साक्षरता जस्ता विभिन्न कार्यक्रमको आयोजना गरिएको कुरा संस्थाका का.मु प्रमुख कार्यकारी अधिकृत रोशन कुमार अधिकारीले जानकारी दिएका हुन् । लघुवित्तले ७ वटा प्रदेशका २१ जिल्लामा ६० शाखा मार्फत २८००० सदस्यलाई सेवा प्रदान गर्दै आएको छ ।
संस्थाको चुक्ता पुँजी २५ करोड रहेको छ । आगामी दिनहरुमा यहाँहरुको साथ,सहयोग र सद्भावको अपेक्षा गर्दै हामी हाम्रा सम्पूर्ण ग्राहकहरुको सेवा तथा सुविधालाई अझ सुदृढ बनाँउदै लैजान प्रतिबद्धता संस्थाका प्रमुख कार्यकारी अधिकृतले व्यक्त गरेका हुन् ।
