काठमाडौं । यस वर्षको ११.११ को व्यापक सफलता पछि, नेपालको अग्रणी अनलाइन बजार, दराजले वर्षको अन्तिम अभियान दराज १२.१२ घोषणा गरेको छ । मंसिर २६ (१२ डिसेम्बर) देखि सुरु हुने यो ग्राण्ड इयर एन्ड सेल देशभरका ग्राहकहरूलाई आफ्ना मनपर्ने उत्पादनहरूमा थुप्रै, छुट र अफरहरू प्राप्त गर्ने अर्को अवसर प्रदान गर्ने भएको छ ।
कम्पनीको अनुसार १२.१२ एक बिक्री (संचालित अभियान मात्र नभई देशभरका ग्राहकहरूलाई वर्षभरिको अपार विश्वास र वफादारीको लागि धन्यवाद दिने दराजको तरिका भएको जनाएको छ । अभियानका मुख्य विशेषताहरूमा ७० प्रतिशतसम्मको मेगा डिल, रु. ७००० सम्मको मेगा भाउचर, रु. १२१२ सम्मको प्रिपेमेन्ट छुट, रु.२.७ लाखको ग्राण्ड एमआई ह्याम्पर गिभवे समावेश रहेका छन् ।
बैंक र प्रिपेमेन्ट छुटको सन्दर्भमा, ग्राण्ड इयर एन्ड सेलको समयमा किनमेल गर्ने ग्राहकहरूले क्रेडिट कार्ड मार्फत १२ प्रतिशत (अधिकतम रु १२१२) र डेबिट कार्ड मार्फत १० प्रतिशत (अधिकतम रु. १,०००) सम्मको छुट प्राप्त गर्न सक्नेछन् । एभरेष्ट बैंक, एनएमबी बैंक, सानिमा बैंक र कामना सेवा बैंकका ग्राहकहरूले माथि उल्लेखित छुटहरू प्राप्त गर्न सक्नेछन् ।
त्यस्तै, ग्राहकले आफ्नो आईएमई (IME Pay) वालेट मार्फत भुक्तानी गरेमा १२ प्रतिशत अधिकतम रु.३३३ को थप छुट पाउने छन् ।
प्रमुख राष्ट्रिय र अन्तर्राष्ट्रिय ब्रान्डहरूबाट उत्कृष्ट छुट
दराज १२.१२मा प्रमुख राष्ट्रिय तथा अन्तर्राष्ट्रिय ब्राण्डहरूको उत्पादनमा विशेष डिल र छुटहरू उपलब्ध हुनेछ भने ग्राहकहरूले आफ्नो मनपर्ने ब्राण्डहरूमा ७० प्रतिशत सम्मको छुट प्राप्त गर्न सक्नेछन् । अभियानका लागि डायमण्ड पार्ट्नर्समा बाल्ट्रा, वाओ, स्काईवर्थ र प्यानसनिक छन् भने गोल्ड पार्ट्नर्सहरूमा मामाअर्थ, फ्याँकैरा र जिन्सवेस्ट रहेको कम्पनीले जानकारी दिएको छ ।
त्यसैगरी, दराजका सबै प्रमुख क्याम्पेनहरू जस्तै १२.१२ मा पनि धेरै लोकप्रिय खेल एक रुपैयाँ पनि रहेको छ जहाँ ग्राहकहरूले मात्र रु १ मा हजारौं मूल्यका उत्कृष्ट उत्पादनहरू जित्ने मौका पाउँछन् । ग्राहकहरूले केवल १ रुपैयाँमा निम्न पुरस्कारहरू जित्नका लागि भाग लिइ स्काईवर्थ वासिङ मेसिन, हुण्डाई नन(डिजिटल वाटर हिटर, रेडमी ए१ र बोन हलिडेज ३ दिनको पोखरा टुर जाने समेत मौका रहेको दराजले जनाएको छ ।
सहभागी हुनको लागि ग्राहकहरूले अनलाइन प्रीपेमेन्ट मार्फत रु.१ अग्रिम भुक्तानी (प्रिपे) गर्नु पर्दछ । एक पटक अफर समाप्त भएपछि सबै सहभागीहरूलाई रु.१ फिर्ता हुनेछ ।
