काठमाडौं । आइएमई लाईफ इन्स्योरेन्स कम्पनी लिमिटेड तुलसीपुरद्वारा विमा गरेका विमित डिल्ली राज पाण्डेलाई घातक रोग बिरुद्ध दाबी भुक्तानी गरिएको छ । तुलसीपुर शाखाले स्ट्रोक रोग भएका पाण्डेलाई घातक रोगको दाबी भुक्तानी वाफत रु सोह्र लाख हस्तान्तरण गरेको हो ।
स्ट्रोक भएका पाण्डेलाई क्षेत्रीय प्रबन्धक प्रेम प्रसाद तिमिल्सीनाद्वारा वीमाङ्क रकम सोह्र लाख बराबरको रकम हस्तान्तरण गरेका हुन । हाल पाण्डे उपचाररत अवस्थामा छन् । उक्त कार्यक्रममा बिमा समबन्धी महत्त्व र आवश्यकता बारे क्षेत्रीय प्रबन्धक प्रेम प्रसाद तिमिल्सीना र कमपनीका चिफ एजेन्सी मेनेजर MDRT किरण पुनले प्रकाश परेका थिए ।
बिमित डिल्ली राज पाण्डेले समेत कम्पनी प्रती कृतज्ञता प्रकट गर्दै जीवन बिमा सबैले गर्नु पर्ने कुरामा जोड दिएका थिए । तुलसीपुर स्थीत झरना रि-कन्डीशन एण्ड वर्कशपका संचालक समेत रहेका पाण्डेले आई.एम.ई लाईफ ईन्स्योरेन्स कम्पनीको ‘आई.एम.ई.धनवर्धन जीवन बिमा योजना’ २०७८/३/३० गते खरिद गरेका थिए ।
