काठमाडौं । ‘खल्ती’ ले करदाताहरूका लागि काठमाडौं महानगरपालिकासँग साझेदारी गरी आफ्नो राजस्व सङ्कलनमा डिजिटलाइजेसनको लागि सजिलै कर भुक्तानी गर्न मिल्ने सुविधा लिएर आएको छ ।
यो सुविधा उपलब्ध भए लगत्तै करदाताहरूले काठमाडौं महानगरपालिकाको तिर्नुपर्ने करहरू जस्तै : घर बाहाल कर, सम्पति कर व्यवसायको कर अब खल्ती मार्फत सहजै भुक्तानी गर्न सक्नेछन् । यसअघि यो सेवा करदाता पोर्टलमा लग इन गरि मात्र भुक्तानी उपलब्ध थियो भने अब खल्तीले यसलाई एपमा नै सक्षम पारेर भुक्तानीलाई अझ सहज र झन्झटमुक्त बनाएको छ ।
उक्त सेवाका बारे थप बोल्दै खल्ती का प्रमुख कार्यकारी अधिकृत बिनय खड्काले भने, ‘हाम्रो लक्ष्य भनेको जनताको दैनिक भुक्तानीलाई सहज बनाउनु हो। यस प्रक्रियामा हामीले विभिन्न स्थानीय सरकार र अधिकारीहरूसँग साझेदारी सुरु गरेका छौं । काठमाडौं महानगरपालिकासँगको यो साझेदारीले पारदर्शी र प्रभावकारी राजस्व संकलनका लागि निश्चित रूपमा लाखौं घरपरिवारलाई कर भुक्तानीको आनन्द लिन सक्षम बनाउनेछ ।’
करदाताले तल बताइएको तरिका अनुसार ‘खल्ती’ छनौट गरि भुक्तानी गर्न सक्नेछन् :
१. खल्ती एप को होमस्क्रिन मा गई ‘लोकल गभर्मेन्ट’ मा जानुहोस्
२. ‘काठमाडौं महानगरपालिका’ छनौट गरि कर भुक्तानीकर्ता आईडी राख्नुहोस्
३. कर भुक्तानी प्रकार छनौट गर्नुहोस्
○ घर बहल कर
○ सम्पत्ति कर
○ व्यवसाय कर
४. विवरणहरू प्रमाणित गर्नुहोस् र भुक्तानी गर्नुहोस्
५. भुक्तानी विकल्प ‘खल्ती वालेटू वा’ लिङ्क गरिएको बैंक खाताू चयन गर्नुहोस्
६. भुक्तानी गरेको बिल खल्ती को कारोबर सेक्सन् (ट्रान्ज्याक्सन हिस्ट्री) मा प्राप्त हुनेछ
