काठमाडौं । खल्तीले आफ्ना प्रयोगकर्ताका लागि ‘खल्तीमा बैंक लिंक’ अफर ल्याएको छ । यस अफर अन्तर्गत खल्तीले आफ्नो लिंक गरिएको बैंक खातामार्फत भुक्तानी गर्ने योग्य प्रयोगकर्तामध्ये दैनिक एकजना भाग्यशाली विजेतालाई ३२” टीभी जित्ने मौका प्रदान गर्ने भएको छ । यसका साथै प्रयोगकर्ताले आफ्नो पहिलो पटक लिंक गरिएको खाताबाट पहिलो भुक्तानी गर्दा एक सय रुपैयाँको बोनस तत्काल पाउने कम्पनीले जनाएको छ ।
यो बोनस खल्तीमा पहिलोपटक आफ्नो बैंक खाता लिंक गर्ने र आफ्नो लिंक गरिएको बैंक खाताबाट पहिलो भुक्तानी पूरा गरेका प्रयोगकर्ताका लागि लागु हुनेछ । यसैबीच यस अफर अवधिमा आफ्नो लिंक गरिएको बैंक खाताबाट भुक्तानी गर्ने प्रयोगकर्तामध्ये हरेक दिन एकजना भाग्यशाली प्रयोगकर्तालाई ३२’’ टीभी प्रदान गरिनेछ । खल्ती प्रयोगकर्तासँग बैंक खाता लिंक गर्नका लागि उनीहरूको केवाईसी प्रमाणित हुनु पर्नेछ ।
यस अफरका बारेमा खल्तीका प्रमुख कार्यकारी अधिकृत विनय खड्काले भने, ‘यस अफरमार्फत हामी प्रयोगकर्तालाई डिजिटल भुक्तानी गर्ने बानी बस्न प्रोत्साहित गर्न चाहन्छौँ । खल्ती प्रयोगकर्ताले अब आफ्नो लिंक गरिएको बैंक खाताबाट प्रत्यक्ष भुक्तानी गर्न सक्ने भएकाले वालेट ब्यालेन्स रिलोड गर्ने समस्याको सामना गर्नुपर्दैन ।’
यस अफरलाई थप आकर्शित बनाउदै खल्तीले हरेक हप्ताको सोमबार र बिहीबार फायर सेल पनि ल्याएको छ । प्रयोगकर्ताले बिजुलीको बिल, ल्यान्डलाइन, चलचित्र, इन्टरनेट (आईएसपी), डाटा प्याक, जीवन बीमा, जस्ता सर्भिसमा हरेक दिउँसो १ बजे फायर सेलको लागि ५० प्रतिशत सम्म क्यास ब्याकको प्राप्त गर्न सक्नेछन् ।
खल्तीमा बैंक खाता लिंक भएपछि प्रयोगकर्ताले युटिलिटी बिल, क्यूआर स्क्यान गरी भुक्तानी, उडान टिकट, बीमा भुक्तानी, मुभी टिकट, अन्य बैंक खातामा रकम ट्रान्सफर गर्नेजस्ता अन्य धेरै भुक्तानी सीधै र छिटै लिंक गरिएको बैंक खाताबाट गर्न सक्नेछन् । यो अफर मंसिर २२ देखि माघ ७ सम्म लागु हुनेछ । यसका साथै यदि बैंक खाता लिंक गरिएको छ भने खल्ती प्रयोगकर्ताले वालेट ब्यालेन्स लोड गर्न आवश्यक पर्दैन ।
यसलगत्तै खल्तीले आफ्नो चलिरहेको ‘खल्तीमा आइमा ई-स्कुटर’ अफर पनि सञ्चालन गरिरहेको छ । जहाँ प्रयोगकर्ताले रु. १०० को टपअपमा ‘एआईएमए टाइगर एस५ ईभी स्कुटर’ जित्न योग्य हुनेछन् । यसका साथै हरेक हप्ता एकजना भाग्यशाली विजेताले एआईएमए गुडिज जित्ने मौका पाउनेछन् । तसर्थ, जोकोहीले आफ्नो बैंक खाता लिंक गरी भुक्तानी गर्छ भने दुवै प्रस्तावमा भाग लिन योग्य हुने कम्पनीले जनाएको छ ।
आईएसओ २७००१ः२०१३ बाट मान्यता प्राप्त साथै भर्खरै WITSA Global Innovation & amp; Tech Excellence Awards 2022 बाट सम्मानित खल्ती आफ्नो सेवाको छैटौँ वर्षमा पुगेको छ । खल्तीमा हाल २५ लाखभन्दा बढी प्रयोगकर्ता र ६० हजारभन्दा बढी एजेन्ट नेटवर्कसँगै देशभरको परिवारमा वृद्धि गरेको छ ।
सबै नेपालीमा वित्तीय साक्षरता ल्याउने उद्देश्यका साथ खल्तीले आफ्ना डिजिटल सेवामार्फत बिल भुक्तानी, मोबाइल र टीभी रिचार्ज, हवाई र सिनेमा टिकट बुकिङ, बीमा शुल्क, ई-कमर्स, सरकारी राजस्व, फोहोर व्यवस्थापन बिल र थुप्रै डिजिटलाइज्ड सेवा उपलब्ध गराएको छ ।
