काठमाडौं । ‘एनआईबिएल म्युचुअल फण्ड’ अन्तर्गत संचालन हुने पाचौँ योजना ‘एनआईबिएल ग्रोथ फण्ड’ पौष ७ गते बाट सार्वजनिक निष्काशनमा रहेको छ । योजनाको सार्वजनिक निष्काशन पौष २१ गतेसम्म रहने भएको छ ।

यस अघि निष्काशित अन्य समुहिक लगानी कोष योजनाहरुको तुलनामा यस योजनामा लगानीकर्ताहरु उत्साहपूर्वक सहभागिता बढ्दै गईरहेको छ । सार्वजनिक निष्काशनको चौथो कार्यदिन दिनसम्ममा यस योजनाको कुल १६ करोड इकाई मध्ये ५० प्रतिशत भन्दा बढी इकाईको लागी आवेदन प्राप्त भईसकेको क्यापिटलले जनाएको छ ।

उक्त योजनामा लगानीकर्ताहरूले न्यूनतम १०० र अधिकतम १ करोड ६० लाख इकाईको लागि आवेदन दिन सक्नेछन् । इच्छुक लगानीकर्ताहरुले (व्यक्ति तथा संस्था) न्यूनतम १ हजार देखि अधिकतम १६ करोडसम्म लगानी गर्न सक्नेछन् । लगानीकर्ताहरुले आफ्नो सी-आश्वा खाता रहेको बैंक वा मेरो सेयरमा लगईन गरी अनलाईन आवेदन दिन सक्नेछन् ।

योजनाको विवरण पुस्तिका एनआईबिएल एस क्यापिटल लि.कोवेव साईट (www.niblcapital.com) तथा नेपाल धितोपत्र बोर्डको वेव साईट (www.sebon.gov.np) मा समेत राखिएको छ । सो योजनाको समयावधि १० वर्षको रहेको छ र यो हाल सम्मकै सबैभन्दा ठुलो म्युचुअल फण्ड योजनाको सार्वजनिक निष्काशन समेत रहेको छ ।