">
काठमाडौं । पाँचथर पावर कम्पनीले सेयरधनीलाई ७ प्रतिशत लाभांश दिने भएको छ । कम्पनीले गत आर्थिक वर्षको मुनाफाबाट सेयरधनीहरुलाई सो लाभांश दिने घोषणा गरेको हो ।
कम्पनीको बिहीबार बसेको सञ्चालक समिति बैठकले गत आर्थिक वर्ष २०७८/७९ को मुनाफाबाट सेयरधनीहरुलाई करसहित ७ प्रतिशत नगद लाभांश वितरण गर्ने निर्णय गरेको कम्पनीले जनाएको छ ।
संचालक समितीले प्रस्ताव गरेको सो लाभांश कम्पनीको आगामी वार्षिक साधारणसभाले अनुमोदन गरेपछि सेयरधनीहरुलाई वितरण हुनेछ । कम्पनीले हाल कायम ९६ करोड २५ लाख रुपैयाँ चुक्ता पुँजीमा उक्त लाभांश घोषणा गरेको हो ।
