काठमाडौं । बैंकिङ कसुर मुद्दाका फरार प्रतिवादी पक्राउ परेका छन् । जिल्ला मकवानपुर साबिक हर्नामाडी गाउँ विकास समिति वडा नं. ५ परिवर्तित हेटौडा उप महानगरपालिका वडा नं. १८ स्थाई घर भई हाल काठमाडौंको कोटेश्वरमा बस्ने ५६ वर्षीय सरोज कार्की पक्राउ परेका हुन् ।
उच्च अदालत पाटनबाट मिति २०७९/६/३१ गतेको फैसला अनुसार २ दिन कैद, ५ लाख ५० हजार रुपैयाँ जरिवाना र २२ हजार क्षेतिपुर्ति भराउने फैसला भएसँगै कार्की फरार रहेका थिए । उनलाई काठमाडौँ उपत्यका अपराध अनुसन्धान कार्यालयबाट खटिएको प्रहरी टोलिले पुस २० गते ललितपुरको चापागाउँ दोबाटोबाट पक्राउ गरेको हो ।
पक्राउ परेका कार्कीलाई थप अनुसन्धान तथा कार्वाहीका लागी जिल्ला अदालत काठमाडौँ पठाइएको प्रहरीले जनाएको छ ।
