काठमाडौं । नेपाल स्टक एक्सचेन्ज (नेप्से)ले दुईवटा लघुवित्त वित्तीय संस्थालाई कार्वाही गरेको छ । मंगलबार एक सूचना जारी गर्दै नेप्सेले महुली लघुवित्त र महिला लघुवित्त वित्तीय संस्थालाई कार्वाही गरेको जनाएको हो ।
कानुन विपरित धितोपत्र मूल्यमा प्रभाव पार्ने सूचना समयमा नदिएको भन्दै नेप्सेले दुवै लघुवित्तको सेयर कारोबार रोक्का गरेको हो ।
महुली लघुवित्तले दोस्रो बजारमा कारोबार भईरहेको समयमा सञ्चालक समितिको बैठक बसी लाभांश सम्बन्धी निर्णय गरेको भन्दै कार्वाही गरेको नेप्सेले जनाएको छ । त्यस्तै, महिला लघुवित्तले सञ्चालक समितिको निर्णय बजार खुलेपछि मात्रै नेप्सेलाई जानकारी गराएको भन्दै कार्वाही गरिएको हो ।
नेप्सेले मंगलबार दुवै कम्पनीको सेयर कारोबार रोक्का गर्दै सूचना जारी भएको तीन दिनभित्र स्पष्टिकरण पेश गर्न समेत निर्देशन दिएको छ । यस्तो छ नेप्सेली जारि गरेको सूचना:
