काठमाडौं । सुपर हेवा पावर कम्पनी लिमिटेडले साधारण सेयर निष्काशन गर्ने भएको छ । कम्पनीले सर्वसाधारणका लागि १०० अंकित दरले ११ करोड ५४ लाख ३६ हजार रकम बराबरको ११ लाख ५४ हजार ३ सय ६० कित्ता साधारण सेयर निष्काशन गर्ने भएको हो ।
साधारण सेयर निष्काशन तथा बिक्री प्रबन्धकमा लक्ष्मी क्यापिटललाई नियुक्त गर्ने सम्झौता गरेको कम्पनीले जनाएको छ ।
सम्झौतामा लक्ष्मी क्यापिटलको तर्फबाट प्रमुख कार्यकारी अधिकृत राजीव सापकोटा र सुपर हेवा पावर कम्पनी लिमिटेडको तर्फबाट अध्यक्ष हर्क बहादुर तामाङले हस्ताक्षर गरेका छन् ।
सुपर हेवा पावर कम्पनीको संखुवासभा जिल्लाको चैनपुर नगरपालिकामा ६ मेगावाट क्षमताको जलबिद्युत आयोजना निर्माणाधिन अवस्थामा रहेको छ ।
