काठमाडौं । बैंकिङ कसुर मुद्दाका फरार प्रतिवादी पक्राउ परेका छन् । जिल्ला बर्दिया बाँसगढी नगरपालिका वडा नं. ९ माछागढ बस्ने ३६ वर्षीय लिलाराम थारु सो कसुरमा पक्राउ परेका हुन् ।

उच्च अदालत तुल्सीपुर, नेपालगंजको मिति २०७९/०९/२८ गतेको फैसला अनुसार बैंकिङ कसुर मुद्दामा ५० लाख जरिवाना सजाय तोकिएसंगै उनी फरार रहेका थिए । जिल्ला प्रहरी कार्यालय बर्दियाबाट खटिएको प्रहरी टोलिले लुकिछिपी बसेको अवस्थामा फागुन १४ गते निजको घरबाटै पक्राउ गरेको जनाएको छ ।

पक्राउ परेका थारुले तोकिएको जरिवाना रकम तिर्न नसक्ने हुँदा अदालतको आदेशले जरिवाना रकम वापतको १० वर्ष कैद सजाय भुक्तानको लागी कारागार कार्यालय बर्दिया पठाईएको प्रहरीले जनाएको छ ।