×

Live on

रेडियो अर्थ सरोकार

Listen to live radio.

laxmi sunrise bank

सिंगापुर लगायतका देशहरूमा पठाइदिन्छु भन्दै रकम ठगी गर्ने व्यक्ति पक्राउ

काठमाडौं । सिंगापुर लगायतका देशहरूमा पठाईदिन्छु भन्दै रकम ठगी गर्ने व्यक्ति पक्राउ परेका छन् । जिल्ला सोलुखुम्बु साबिक बेनी गाउँ विकास समिति वडा नं. १ परिवर्तित सोलु दुधकुण्ड नगरपालिका वडा नं. ७ स्थाई घर भई हाल काठमाडौं जिल्ला टोखा नगरपालिका बस्ने ३० वर्षीय अनिल श्रेष्ठ पक्राउ परेका हुन् ।

श्रेष्ठले भिमबहादुर राना सहित ७ जना व्यक्तिहरुलाई वैदेशिक रोजगारीको लागी सिङ्गापुर, अफगानिस्तान तथा घाना पठाइदिने र सम्बन्धित देशहरुमा पुगेपछि पानीजहाज लगायतका कम्पनीमा काम लगाइदिने साथै मासिक १ लाख बढी तलब हुन्छ भनी प्रलोभनमा पारी रकम ठगी गरेको प्रहरीले जनाएको छ ।

उनले सम्बन्धित देशहरुमा जानका लागी प्रतिव्यक्ति १० लाख रुपैयाँ लाग्ने भन्दै पिडितहरुबाट पटक पटक गरी ५७ लाख ५० हजार रुपैयाँ ठगी गरी सम्पर्क बिहिन भएको प्रहरीले जनाएको छ । काठमाडौं उपत्यका अपराध अनुसन्धान कार्यालयबाट खटिएको प्रहरी टोलिले श्रेष्ठलाई माघ २३ गते काठमाडौंको गोंगभुबाट पक्राउ गरेको हो ।

पक्राउ परेका उनलाई थप अनुसन्धान तथा कारवाहीका लागी वैदेशिक रोजगार विभाग बुद्धनगर काठमाडौं पठाईएको प्रहरीले जनाएको छ ।

Hamro Parto AD
TRITON COLLEGE

प्रतिक्रिया दिनुहोस्

सिफारिस: