">
काठमाडौं । बैंकिङ कसुर मुद्दाका फरार प्रतिवादी पक्राउ परेका छन् । काठमाडौं महानगरपालिका वडा नं. १३ कालिमाटी बस्ने ५७ वर्षीय राम श्रेष्ठ पक्राउ परेका हुन् ।
उच्च अदालत पाटनको मिति २०७७/१२/२३ गतेको फैसला अनुसार ४ लाख जरिवाना, ७ दिन कैद र ८ हजार क्षेतिपुर्ति शुल्क भराउने फैसला भएसँगै उनी फरार रहेका थिए । काठमाडौं उपत्यका अपराध अनुसन्धान कार्यालयबाट खटिएको प्रहरी टोलिले श्रेष्ठलाई माघ २९ गते काठमाडौं महानगरपालिका वडा नं. २२ सुन्धाराबाट पक्राउ गरेको हो ।
पक्राउ परेका श्रेष्ठलाई थप अनुसन्धान तथा फैसला कार्यान्वयनका लागी जिल्ला अदालत बबरमहल पठाईएको प्रहरीले जनाएको छ ।
